Hawl-galo Ka Dhashay Wada Hadalada Dhalinyarada ee Degmooyinka Hargeisa

Shir ay soo qabanqaabiyeen koox dhalinyaro ah oo ka tirsan degmadda Maxamuud Haybe oo lagu kulansiinayay Mulkiilayaasha warshadaha korontada iyo Guddida degmadda xaafadaas ayaa waxaa uu ka dhacay Huteel Dalxiis ee magaalada Hargeisa 12kii bishan June.

Shirkan ayaa waxaa uu qayb ka yahay dadaalo iyo hawlo uu Akaademiga uu la kaashanayo kooxo dhalinyaro oo shanta xaafadood ee magaalada Hargeisa.

Shirkan oo looga hadlayay horumarinta Nabadgalyada xaafada Maxamuud Haybe ayaa waxaa ujeedadiisu ahayd sidii Mulkiilayaasha shirkadaha laydhka xaafadu ay ugu tabaruci lahaayeen iftiiminta goobaha madow ee ay adagtahay habeenkii in la maro.

Kulankan ayaa waxaa u qayb ka ahaa kulano xidhiidh ah oo looga hadlayay horumarinta amaanka xaafada Maxamuud Haybe oo soconayay muddo.

Xoghayaha dawlada hoose ee Hargeisa, Maxamed Nuur oo shirkan ka qayb galay ayaa amaanay hawsha horumarinta amniga xaafada Haybe.

Xoghayuhu waxaa u sheegay inay dhinacooga diyaar u yihiin garabna taagan yihiin hawshaas iyo cida fulinaysaba.

Maxamed Nuur waxaa u ka codsaday mulkilayaasha Warshadlayda Xaafada Maxamuud Haybe inay ku tabarucaan bixinta laydhka loo yaqaan “Laydhka amniga” oo laga shido meelaha amaan darad looga cabsado in habeenkii la maro.

Mulkilayaasha Warshadlayda laydhka xaafada Maxamuud Haybe ayaa iyana ku balan qaaday in intii taagtooda ah, wallow ay jiraan bay yidhaahdeen duruufo badan oo adag, inay hadana ku tabaruci doonan laydhkaas, iftiiminna doonan goobaha laga codsaday.

Balse, waxay mulkilayaashu waxa ka cabteen in laambado badan ooh ore ay ugu xidhiidheen meelo xaafadaas ka tirsan la jabiyay, marwalbana la jabiyo, sidaa darted waxay Dawladda Hoose ka codsadeen in sameeyaan boliis rondo oo habeen wareegta, sugtana amaanka lamabdahaas.

Gabogabadii, waxaa la isku afgartay in dawladda hoose ay soo cayinto goobaha u baahan in lagu xidhidho nalalka amaanka, sidoo kalena ay keenan xadhkaha iyo laambadaha galayaa.

» Home